Aquelo plaço a une historio et bou la boli counta... Ero situado coumo are al miech dal billatché et entourado dé coummercants. Y abio très cafés. Lé dé Bonnery, en faço qu'appellabount Pifollo et qué fousquèt lé darniè à tempa. Al coustat aquel de Durand dit Raboul car tout lé moudé d'Argou abio un noun d'escaïch. Porto per porto y abio lé café d'Iché. Les biels da l'époquo abion pas trop d'argént mais anaount préné un café-mazagram,
uno absintho (lé pastis existabo pas), dé cops un apéritif marquo Amer-Picon. Per passa lé temps jouabount à la manillo ou al briscan.Y abio tabés dous boulangers sur aquesto plaço. Rullac Louis qu'appellabount « lé mitroun ». Al coustat la boulangeariè de Cayrol-Izard qu'appellabount Pamplet ! Toutis èrount brabes et per las festos, fasion caïré gratuitoment dins lé four à pa, les plats cuisinats qué las cousinièros y appourtaboun (croustados, madeleines, piots et canards, aouquos. . . ). Cal dirè qué à l'époquo y abio pas dé butagaz ni dé micro-ondes.
Mais en aquesto époquo, l'aïgo èro indispensablo per lé bestial et per les hommes. Y abio pas l'aïgo à l'ayé et amé uno crucho ou un ferrat cadun anabo quérè l'aïgo a las bornes fontaines. Les biticultous et aco dous cops per jour aménabount les 60 chabals dal billatché et les bious per béouré à la bassio. Cado animal bébio a pu près vingt litres d'aïgo calo cop.
Y abio très automobiles dins lé billatché et un serbici d'autocars assurabount la ligne de sant danis et dé Broussos à carcassouno et s'érrèstaboun sur la plaço.
Dében abé une pensado per ço que sé passèt pendent la guerro lé ounze d'agoust 1944. Commo à oradour sur glane les allémands encerclèrount lé billatché et toutis les hommes d'Argou furount rassemblats sur aquesto plaço. Une quinzaino d'hommes das pus récalcitrants fousquèrount interrougeats par d'Oufficiès Allemands. Aprèts interrogatoire les métèrount dé coustat sous aquel roc per les amèna à la prisou dé Carcassouno. Coumo ba bezets aquelo plaço a une historio à laquello les aragounaisés sount estaquats. Aîchi èro le cor dal billatché ou les coummerçants forains s'arrestaouent per bendrè la marchandiso (Lé reillou, lé caïfa, Limailho et aoustrés). Tout l'estiou dé beït houros à miègo neit toutis les bésis quaquetaouent en préguent lé fresq. Gart aqui, amis, la bello historio d'uno placetto qué boulen conserba abé toutis les soubénirs qué s'y estaqunt.
Louis Loubet et Gilbert Fillol
Retour